KATECATE - “Here and There”
 

1. Da mi je znati

2. Kamen

3. Izajdi sunajce

4. Tu pak tam

5. Lipe li su mlade Kaštelanke

6. Počietak kraja

7. Jedna Dubrovčanka

8. Na brigu kuća mala

9. Mila mati

10 Mamica so štrukle pekli

11 Znalo se je

12 Rec mi sada

Da mi je znati
dalmatinska
Aranžman: René i Katarina

Da mi je znati bože moj, bože moj, da mi je znati bože moj.
Di se nalazi dragi moj, dragi moj, di se nalazi dragi moj?
Poslala bi mu rumen cvit, rumen cvit, poslala bi mu rumen cvit.
Na misto moje mladosti, mladosti, na misto moje mladosti.
Neka ga grli i jubi i jubi , neka ge grli i jubi.

Kamen
stihovi Ivica Jakšić
Glazba: René i Katarina

Kuća od kamena
Crikva od kamena
Skula od kamena
Butiga od kamena
Puti od kamena
Riva od kamena
Misto od kamena
Grod od kamena
Treba!
Bome da treba!
A onda grie bolnica
Pa opet crikva
I kamena ploča od greba.

Izajdi sunajce
dalmatinska
Aranžman: René

Izajdi sunajce
Iza bila rata,
Prvo ogrij mene
Pa mojega draga.

Sinoć mi je dragi
Na ribe pošao,
Providi mu sriću
Da bi što-čo čapao.

Dobro jutro dragi
Jesi čapa ribe,
Svu noć nisan spala
Imala san brige.

Tu pak tam
narodna
Aranžman: René i Katarina

Tu pak tam, tu pak tam
Strička koprivje
Gde su oni vugorki ki su lani zrasli
Gde su oni vugorki ki su lani zrasli?

Tu pak tam, tu pak tam
Z brega v grabu,
Gde su one gobice ke su lani zrasle
Gde su one gobice ke su lani zrasle?

Tu pak tam, tu pak tam
Z vode na blato,
Gde je ona ribica ka je lani zrasla
Gde je ona ribica ka je lani zrasla?

Tu pak tam, tu pak tam
S naše gorice,
Gde je ona snešica ka se lani zdala
Gde je ona snešica ka se lani zdala?!

Lipe li su mlade Kaštelanke
dalmatinska
Aranžman: René i Katarina

Lipe li su mlade Kaštelanke, lipe li su rojena mlade Kaštelanke.

Koje nose na kaiš opanke, koje nose rojena na kaiš opanke.

Falila se Radunova Ane, falila se rojena Radunova Ane.

Da je lipše u Novome nema, da je lipše rojena u Novome nema.

U Novome i okolo njega, u Novome rojena i okolo njega.

Ali Sveti Duje neće ni da čuje , ajme ča ću mu ja!

Počietak kraja
stihovi Ivica Jakšić
Glazba: Katarina i René

U ‘no vrime pri Sukarsta
Živilo se ko i sada.

U ’no vrime za Ivana
Živilo se ko i sada.

U ’vo naše novo vrime,
Sve je isto ko nikada.

Ji se, pije, sodi, grodi.
Svit se ženi i udoje.

Kad se s nikin ne ratuje,
Kupuje se i prodoje.

Laže, krede, beštimoje.

Priko mire gomiloje.
Siromahu se ne doje.

U bludu se razuzdoje.

Okolina se šporkoje.

I sve tako, dok ne paso
Zemja skupa s Nebesima

Dok ne duođe u oni don,
Sin čovičji sudit svima.

Refren:
A nebo i zemju si
za jude napravi;

Ne sud Bože po istini,
Nego sud nos po jubavi!

Jedna Dubrovčanka
dalmatinska
Aranžman: René

Jedna Dubrovčanka otvorila dućan,
U njem je svega bilo, samo ne jedna stvar, a to je bakalar.
A mene zovu bjonda, a bjonda nisan ja,
Ja imam crne oči, za jubav sprovodit a ča me ne jubiš?
A ča, a ča, a ča me ne jubiš?
A ča, a ča, a ča me ne jubiš?
A mene zovu bjonda, a bjonda nisan ja,
Ja imam crnu kosu, za jubav sprovodit a ča me ne jubiš?
A ča, a ča, a ča me ne jubiš?
A ča, a ča, a ča me ne jubiš?
Jedna Dubrovčanka otvorila dućan,
u njem je svega bilo samo ne jedan stvar a to je bakalar.

Na brigu kuća mala
dalmatinska
Aranžman: René i Katarina

Na brigu kuća mala, na njoj su prozora dva,
Na prozor djeva bajna ko ruža proljetna.
Što radiš djevo bajna, u tu prekrasnu noć?
Moj dragi zvizda sjajna reko je da će doć.
Tri noći već su prošle, odkad ga čekan ja,
i mnoge još će proći ostajen žalosna.
Moj dragi drugu jubi, a mene ostavlja,
a ja ga kleti neću, jer san ga volila.

Mila mati
dalmatinska
Aranžman: Katarina i René

Mila mati, slušaj riči ove, ča ti veli milo dite tvoje,
Sinoć kad san robu prala susrela san na obali mladega mornara.

Mila ćeri a ča ti je reka, reka mi je da me dugo čeka,
da me čeka da me zove di se dušo zlato moje jesi li oprala?

Mila mati nemoj me karati, ja san tila daje robu prati.
Doša dragi mene zvati pa mi neda robu prati već mi vodu muti.

A kad se je voda razbistrila, ja na robu nisan ni mislila.
Mislila san na mornara, il me jubi il me vara il mi se udvara.

Mamica so štrukle pekli
Hrvatsko Zagorje

Mamica so štrukle pekli, meni nisu nikaj rekli. 2x
Štrukli su se pregoreli, mamica so plakat šteli. 2x
Ne se mamek žalostiti kad več drugač nemre biti. 2x

Znalo se je
stihovi Marica Gamulin
Glazba: René i Katarina

Sve se je znalo
I ako nikud ni pisalo
Kada čo i kako
Se smi i ne smi.
I komu krivo
Komu pravo,
Tega se je daržalo.

Znalo se je
Počiet od crikve
Čikovi bonki su na bondu
A čikovi na sridinu.
I kad umre
Kuo će bit dignut
Na dvuo mietra visoko
A kuo na jedon.
Ili spušćen na puol.

Znalo se je
Kuo smi šietet pod općinu,
A kuo pod Ninota
Kuo pod đardin
Ili stoji uspožon uz mir.
Kuo nosi klobuk a kuo beritu
Kuo vieženu mahramu,
A kuo nakrivljen kapelin.

Znalo se je
Kuo je gospodor i zpovido.
A kuo lavuro,
Doje dohodak
Slušo i govori
Ši, ši šinjor šor ši.

Sve se je znalo
Ma to je vrime
Malo po malo pasalo.

Rec mi sada
stihovi Marica Gamulin
Glazba: Katarina i René

Ča imoš voju napisat posli
Rec mi sada
Da te čujen
Da mi se od radosti
Sarce ustuče, oči zacakletidu.
Obraduj me.

Jo son čovik
Čutin, žudin
Nison stina ni kus bije.

Kurdele posli
Lipo ispišene
Sunce izblidi
Dorž ispere
Vitar raznese.
Zato:
Lipu rič rec mi sada,
Dok te čujen.
Obraduj me.